ನವದೆಹಲಿ: ರಷ್ಯಾದಲ್ಲಿ ನಡೆಯುತ್ತಿರುವ ಫಿಫಾ 2018 ವಿಶ್ವಕಪ್ ಫುಟ್ಬಾಲ್ ಪಂದ್ಯಾವಳಿಯ ಫೈನಲ್ ಪಂದ್ಯ ಇಂದು ರಾತ್ರಿ ನಡೆಯಲಿದ್ದು, ವಿಶ್ವದಾದ್ಯಂತ ಫುಟ್ಬಾಲ್ ಫಿವರ್ ಜೋರಾಗಿದೆ.
ಫ್ರಾನ್ಸ್ ಮತ್ತು ಕ್ರೊವೇಷಿಯಾ ನಡುವೆ ಇಂದು ರಾತ್ರಿ 8.30 ಕ್ಕೆ ಫೈನಲ್ ಪಂದ್ಯ ನಡೆಯಲಿದ್ದು, ಭಾರತದಲ್ಲೂ ಅಭಿಮಾನಿಗಳು, ಚಿತ್ರತಾರೆಯರು, ಕ್ರೀಡಾ ತಾರೆಯರು ತಮ್ಮ ಮೆಚ್ಚಿನ ತಂಡಕ್ಕೆ ಶುಭ ಕೋರುತ್ತಿದ್ದಾರೆ.
ಕ್ರೊವೇಷಿಯಾ ಮತ್ತು ಫ್ರಾನ್ಸ್ ಕಳೆದ ಬಾರಿ ವಿಶ್ವಕಪ್ ನಲ್ಲಿ ಎದುರಾಗಿದ್ದು 20 ವರ್ಷಗಳ ಹಿಂದೆ. ಅಂದರೆ 1998 ಫುಟ್ಬಾಲ್ ವಿಶ್ವಕಪ್ ಪಂದ್ಯಾವಳಿಯ ಸೆಮಿಫೈನಲ್ ನಲ್ಲಿ. ಆವತ್ತು ಫ್ರಾನ್ಸ್ ನಲ್ಲಿ ಪಂದ್ಯ ನಡೆದಿತ್ತು. ಇದೀಗ 20 ವರ್ಷಗಳ ನಂತರ ಮಾಸ್ಕೋದಲ್ಲಿ ಎರಡೂ ತಂಡಗಳು ಫೈನಲ್ ನಲ್ಲಿ ಎದುರಾಗುತ್ತಿವೆ. ಬಹುತೇಕರು ಫ್ರಾನ್ಸ್ ಗೆಲ್ಲಬಹುದೆಂದು ಲೆಕ್ಕಾಚಾರ ಹಾಕಿದ್ದರೂ, ಬಿಗ್ ಹಂಟರ್ ಕ್ರೊವೇಷಿಯಾ ಯಾವ ಮೋಡಿ ಮಾಡುತ್ತದೆಂಬ ಕುತೂಹಲ ಮನೆ ಮಾಡಿದೆ. ಅಂತೂ ರೋಚಕ ಫೈಟ್ ಗೆ ಇಂದಿನ ರಾತ್ರಿ ಸಾಕ್ಷಿಯಾಗಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.