ಗಂಡು ಮಗುವಿಗೆ ಅಮ್ಮನಾದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ

ಮಂಗಳವಾರ, 30 ಅಕ್ಟೋಬರ್ 2018 (10:15 IST)
ಹೈದರಾಬಾದ್: ಭಾರತದ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಗಂಡು ಮಗುವಿಗೆ ಜನ್ಮವಿತ್ತಿದ್ದಾರೆ. ಈ ವಿಚಾರವನ್ನು ಪತಿ ಶೊಯೇಬ್ ಮಲಿಕ್ ಟ್ವಿಟರ್ ಮೂಲಕ ಈ ಸಂಭ್ರಮವನ್ನು ಹಂಚಿಕೊಂಡಿದ್ದಾರೆ.

ಇಂದು ಬೆಳ್ಳಂ ಬೆಳಿಗ್ಗೆಯೇ ಶುಭ ಸುದ್ದಿಯನ್ನು ಹೊರಹಾಕಿರುವ ಶೊಯೇಬ್ ‘ಇದನ್ನು ಹೇಳಲು ನನಗೆ ತುಂಬಾ ಸಂತೋಷವಾಗುತ್ತಿದೆ. ನಮಗೆ ಗಂಡು ಮಗುವಾಗಿದೆ. ನನ್ನ ಪತ್ನಿ ಯಾವತ್ತಿನ ಹಾಗೇ ಸ್ಟ್ರಾಂಗ್ ಆಗಿ, ಆರೋಗ್ಯವಾಗಿದ್ದಾಳೆ’ ಎಂದು ಶೊಯೇಬ್ ಟ್ವೀಟ್ ಮಾಡಿದ್ದಾರೆ.

ಇತ್ತ ಶೊಯೇಬ್ ಮ್ಯಾನೇಜರ್ ಕೂಡಾ ಈ ವಿಚಾರವನ್ನು ಟ್ವೀಟ್ ಮಾಡಿದ್ದು, ‘ಗಂಡು ಮಗುವಾಗಿದೆ, ಅಪ್ಪ-ಅಮ್ಮ ಇಬ್ಬರ ಮೊಗದಲ್ಲೂ ನಗು ತುಂಬಿದೆ, ಅಪ್ಪನಂತೂ ಭೂಮಿ ಮೇಲೆಯೇ ಇಲ್ಲ’ ಎಂದು ಖುಷಿಯಿಂದಲೇ ಬರೆದುಕೊಂಡಿದ್ದಾರೆ. ಇದೀಗ ಸೆಲೆಬ್ರಿಟಿಗಳು, ಅಭಿಮಾನಿಗಳು ಸಾನಿಯಾ ದಂಪತಿಗೆ ಶುಭಕೋರುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.     

ವೆಬ್ದುನಿಯಾವನ್ನು ಓದಿ

ಸಂಬಂಧಿಸಿದ ಸುದ್ದಿ

LOADING