ನವದೆಹಲಿ: ಇತ್ತೀಚೆಗೆ ಸಂಸತ್ತಿನಲ್ಲಿ ಪ್ರಧಾನಿ ಮೋದಿಯನ್ನು ರಾಹುಲ್ ಗಾಂಧಿ ಅಪ್ಪಿಕೊಂಡ ವಿಚಾರವನ್ನು ಇಟ್ಟುಕೊಂಡು ಈಗಲೂ ಬಿಜೆಪಿ ನಾಯಕರು ಕಾಂಗ್ರೆಸ್ ಯುವರಾಜನ ಕಾಲೆಳೆಯುತ್ತಿದ್ದಾರೆ.
ಜಾರ್ಖಂಡ್ ಸಂಸದ ನಿಶಿಕಾಂತ್ ದುಬೆ ರಾಹುಲ್ ಗಾಂಧಿ ಅಪ್ಪಿಕೊಂಡ ಬಗೆಯನ್ನು ಲೇವಡಿ ಮಾಡಿದ್ದು, ‘ನಮಗೆ ರಾಹುಲ್ ಗಾಂಧಿ ತಬ್ಬಿಕೊಂಡರೆ ಭಯವಾಗುತ್ತದೆ. ರಾಹುಲ್ ನಮ್ಮನ್ನು ತಬ್ಬಿಕೊಂಡರೆ ನಮ್ಮ ಪತ್ನಿ ನಮಗೆ ಡಿವೋರ್ಸ್ ಕೊಟ್ಟು ಬಿಟ್ಟು ಹೋಗಬಹುದು’ ಎಂದಿದ್ದಾರೆ.
‘ಒಂದು ವೇಳೆ ರಾಹುಲ್ ಮದುವೆಯಾದರೆ ಆಗ ಅವರನ್ನು ತಬ್ಬಿಕೊಳ್ಳುತ್ತೇವೆ’ ಎಂದು ದುಬೆ ತಮಾಷೆ ಮಾಡಿದ್ದಾರೆ. ರಾಹುಲ್ ಕೂಡಾ ಇತ್ತೀಚೆಗೆ ನನ್ನನ್ನು ತಬ್ಬಿಕೊಳ್ಳಲು ಬಿಜೆಪಿ ಸಂಸದರು ಹಿಂದೇಟು ಹಾಕುತ್ತಿದ್ದಾರೆ ಎಂದಿದ್ದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದು.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
