ನೆಟ್ ಒಳಗೆ ನಿಷೇಧಿತ ಮಾಡಿರುವ ವಸ್ತು ಪತ್ತೆಯಾಗಿರುವ ಘಟನೆ ನಡೆದಿದೆ.
ಆತ ಸಾರ್ವಜನಿಕರಿಗೆ ಗೊತ್ತಾಗಬಾರದು ಎಂದು ತನ್ನ ತೋಟದಲ್ಲಿ ನೆಟ್ ಅಳವಡಿಸಿದ್ದನು. ಅದರಲ್ಲಿನ 5 ಗುಂಟೆ ಪ್ರದೇಶದಲ್ಲಿ ನಿಷೇಧಿತ ಬೆಳೆ ಬೆಳೆದಿದ್ದನು. ಆದರೆ ಚಾಲಾಕಿ ರೈತ ಕೊನೆಗೂ ಸಿಕ್ಕಿಬಿದ್ದಿದ್ದಾನೆ.
ಕೋಲಾರದಲ್ಲಿ ಗಾಂಜಾ ತೋಟದ ಮೇಲೆ ದಾಳಿ ನಡೆಸಲಾಗಿದೆ. ಮಾಲೂರು ತಾಲೂಕಿನ ಜಂಗಾಲಹಳ್ಳಿ ಒಬ್ಬಟ್ಟಿ ಗ್ರಾಮದಲ್ಲಿ ದಾಳಿ ನಡೆಸಿದ್ದು, ಗ್ರಾಮದ ವೆಂಕಟರಮಣಪ್ಪ ತೋಟದ ಮೇಲೆ ದಾಳಿ ಆಗಿದೆ. ಈ ವೇಳೆ, 5 ಗುಂಟೆ ಜಮೀನಿನಲ್ಲಿ ಬೆಳೆದಿದ್ದ ಗಾಂಜಾ ಪತ್ತೆಯಾಗಿದೆ. 20 ಲಕ್ಷ ರುಪಾಯಿ ಬೆಲೆ ಬಾಳುವ ಗಾಂಜಾ ಬೆಳೆಯಲಾಗಿತ್ತು.
ಸಾರ್ವಜನಿಕರಿಗೆ ಗೊತ್ತಾಗದಂತೆ ಗಾಂಜಾ ಬೆಳೆಗೆ ನೆಟ್ ಅಳವಡಿಸಿದ್ದನು ರೈತ ವೆಂಕಟರಮಣಪ್ಪ. ಮಾಲೂರು ಸಿಪಿಐ ಸತೀಶ್ ನೇತೃತ್ವದಲ್ಲಿ ದಾಳಿ ನಡೆದಿದೆ.
