ಬೆಂಗಳೂರು : ಅಭಿಮಾನಿಗಳ ಕಷ್ಟಸುಖಗಳಿಗೆ ಯಾವಾಗಲೂ ಸ್ಪಂದಿಸುವ ಸ್ಯಾಂಡಲ್ ವುಡ್ ನಟ ಕಿಚ್ಚ ಸುದೀಪ್ ಅವರು ಇದೀಗ ಮನೆಬಿಟ್ಟು ಹೋದ ತಮ್ಮ ಪುಟ್ಟ ಅಭಿಮಾನಿಯನ್ನು ವಾಪಾಸು ಮನೆಗೆ ಕರೆತರುವ ಪ್ರಯತ್ನ ಮಾಡುತ್ತಿದ್ದಾರೆ.
ಹೌದು. ಶ್ರೀನಗರದಲ್ಲಿ ವಾಸವಾಗಿರುವ ರಮೇಶ್-ರೂಪಾ ದಂಪತಿಯ ಮಗ ಮಣಿಕಂಠ ಎಂಬ ಬಾಲಕನು ಅಪ್ಪ-ಅಮ್ಮ ಯಾವುದೋ ಸಣ್ಣ ವಿಷಯಕ್ಕೆ ಬೈದ್ರು ಅಂತಾ ಮನೆಬಿಟ್ಟು ಹೋಗಿದ್ದಾನೆ. ಮಗನ್ನು ಕಾಣದೆ ಕಂಗಲಾದ ಹೆತ್ತವರು ಗಿರಿನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರೂ ಕೂಡ ಆತನ ಸುಳಿವಿಲ್ಲ. ಈ ವಿಚಾರ ತಿಳಿದ ನಟ ಸುದೀಪ್ ಅವರು ವಿಡಿಯೋವೊಂದರ ಮೂಲಕ,’ ಅಪ್ಪ-ಅಮ್ಮನ ಪ್ರೀತಿಯ ಮುಂದೆ ಯಾವುದೂ ದೊಡ್ಡದಲ್ಲ. ನನಗೋಸ್ಕರ ಮನೆಗೆ ಹೋಗು. ನಿನ್ನ ಅಣ್ಣನ ಸ್ಥಾನದಲ್ಲಿ ನಿಂತು ಹೇಳುತ್ತೇನೆ. ದಯವಿಟ್ಟು ಮನೆಗೆ ಹೋಗು. ಆಮೇಲೆ ನಾನೇ ಮನೆಗೆ ಬಂದು ನಿನ್ನ ಭೇಟಿಯಾಗ್ತೇನೆ’ ಎಂದು ಮನವಿ ಮಾಡಿದ್ದಾರೆ.
ಸುದೀಪ್ ಅವರ ಅಪ್ಪಟ ಅಭಿಮಾನಿಯಾದ ಮಣಿಕಂಠ ಈ ವಿಡಿಯೋ ನೋಡಿಯಾದರೂ ಅಮ್ಮನ ಮಡಿಲು ಸೇರುವಂತಾಗಲಿ ಎಂಬುದು ಸುದೀಪ್ ಅವರ ಆಶಯ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
