ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ಎಲ್ಲಾ ಸ್ಪರ್ಧಿಗಳು ಚಟುವಟಿಕೆಯಿಂದಲೇ ಪಾಲ್ಗೊಂಡ್ರು. 'ಆಡು ಆಟ ಆಡು' ಟಾಸ್ಕ್‌ ನ ಮೊದಲ ಹಂತದ ಗೇಮ್‌ ಮುಗಿದ ಬಳಿಕ ಮನೆಯ ಕೆಲ ಸದಸ್ಯರು ಕಣ್ಣಾಮುಚ್ಚಾಲೆ ಆಟ ಆಡಿ ಖುಷಿ ಪಟ್ಟರು.
ಮೊದಲು ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡ ಜೆಕೆ, ಧ್ವನಿ ಆಧರಿಸಿ ಸ್ಪರ್ಧಿಗಳನ್ನು ಮುಟ್ಟುವ ಪ್ರಯತ್ನ ಮಾಡುತ್ತಿದ್ದರು. ಆಯತಪ್ಪಿ ಕೆಳಗೆ ಬಿದ್ದರು. ಜೋರಾಗಿ ಬಿದ್ದ ಪರಿಣಾಮ ಕೈಗೆ ಗಂಭೀರವಾಗಿ ನೋವು ಕಾಣಿಸಿಕೊಂಡಿತ್ತು. ಕೈಗೆ ತರಚಿದ ಭಾಗಕ್ಕೆ ಮನೆಯ ಇತರ ಸದಸ್ಯರು ಅರಿಶಿಣ ಪುಡಿ ಹಾಕಿ ಆರೈಕೆ ಮಾಡಿದ್ರು.
ಆದರೆ ಈ ಸಮಯದಲ್ಲಿ ಆಶಿತಾ ಅಳುತ್ತಾ ಕುಳಿತಿದ್ದರು. ಇದನ್ನು ಗಮನಿಸಿದ ಮನೆಯ ಕೆಲ ಸದಸ್ಯರು ಅಳುವಿಗೆ ಕಾರಣ ತಿಳಿಯಲು ಪ್ರಯತ್ನಿಸಿದ್ರು. ಕೊನೆಗೆ ಬಾಯ್ಬಿಟ್ಟ ಆಶಿತಾ, ತನ್ನಿಂದಲೇ ಜೆಕೆ ಕೆಳಗೆ ಬೀಳುವಂತಾಯಿತು. ಇದಕ್ಕೆ ನಾನೆ ಹೊಣೆ ಎಂದು ತನ್ನನ್ನು ದೂಷಿಸಿನೊಂಡ್ರು. ಇದೆಲ್ಲ ಕಾಮನ್, ತಲೆ ಕೆಡಿಸಿಕೊಳ್ಳಬೇಡ ಎಂದು ಉಳಿದ ಸ್ಪರ್ಧಿಗಳು ಧೈರ್ಯ ತುಂಬಿದ್ರು.
