ಮುಂಬೈ: ರಿಲಯನ್ಸ್ ಜಿಯೋ ಸಂಸ್ಥೆ ಅಗ್ಗದ ದರದಲ್ಲಿ 4 ಜಿ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಿರುವುದು ಇತರ ಟೆಲಿಕಾಂ ಕಂಪನಿಗಳಿಗೆ ನುಂಗಲಾರದ ತುತ್ತಾಗಿದೆ.
ಜಿಯೋ ಜತೆ ಸ್ಪರ್ಧೆಗಿಳಿದಿರುವ ಏರ್ ಟೆಲ್ ಸಂಸ್ಥೆ ಕೂಡಾ ಇದೀಗ ಅಗ್ಗದ ದರದಲ್ಲಿ 4 ಜಿ ಸ್ಮಾರ್ಟ್ ಫೋನ್ ನೀಡಲು ಚಿಂತನೆ ನಡೆಸಿದೆ.
ಜಿಯೋ ಸಂಸ್ಥೆಯ 4 ಜಿ ಸ್ಮಾರ್ಟ್ ಫೋನ್ ಗೆ 1500 ರೂ. ಠೇವಣಿ ಇಡಬೇಕು. ಆದರೆ ಏರ್ ಟೆಲ್ ಸಂಸ್ಥೆ 2500 ರೂ. ಜಿಯೋ ಫೋನ್ ಗಿಂತ ದೊಡ್ಡ ಸ್ಕ್ರೀನ್ ಹಾಗೂ ಹೆಚ್ಚು ಇತರ ಫೀಚರ್ ಇರುವ ಮೊಬೈಲ್ ಫೋನ್ ಒದಗಿಸಲು ಯೋಜನೆ ರೂಪಿಸುತ್ತಿದೆ. ಈ ಬಗ್ಗೆ ಈಗಾಗಲೇ ಮೊಬೈಲ್ ತಯಾರಕ ಕಂಪನಿಗಳೊಂದಿಗೆ ಮಾತುಕತೆ ನಡೆಸುತ್ತಿದೆ ಎನ್ನಲಾಗಿದೆ.
