ಬೆಂಗಳೂರಿನಲ್ಲಿ ಈ ವರ್ಷ ಹೊಸ ವರ್ಷದ ಸಂದರ್ಭದಲ್ಲಿ ಮದ್ಯ ಮಾರಾಟವು ಅಧಿಕವಾಗಿದೆ. ಕಳೆದ ವರ್ಷ ಡಿಸೆಂಬರ್ 31 ರಂದು 2.25 ಲಕ್ಷ ಕಾರ್ಟನ್ ಬಾಕ್ಸ್‌ಗಳಲ್ಲಿ ಮದ್ಯವು ಮಾರಾಟವಾಗಿದ್ದರೆ, ಈ ಬಾರಿ 2.39 ಲಕ್ಷ ಕಾರ್ಟನ್ ಬಾಕ್ಸ್‌ಗೆ ಮದ್ಯ ಮಾರಾಟ ಏರಿಕೆ ಕಂಡಿದೆ. ಇನ್ನು ಸುಮಾರು 1.55 ಲಕ್ಷ ಬಾಕ್ಸ್‌ ಬಿಯರ್‌ ಕೂಡಾ ಮಾರಾಟವಾಗಿದ್ದು,
ಈ ಮೂಲಕ ಅಂದಾಜು 170 ಕೋಟಿ ರೂಪಾಯಿ ಮದ್ಯ ಮಾರಾಟ ನಡೆದಿದೆ ಎಂದು ಹೇಳಲಾಗಿದೆ.
ಸರ್ಕಾರವು ನೈಟ್‌ ಕರ್ಫ್ಯೂ ಹಾಗೂ ನಿರ್ಬಂಧವನ್ನು ಹೇರಿಕೆ ಮಾಡಿದ್ದ ಹಿನ್ನೆಲೆಯಿಂದಾಗಿ ಈ ವರ್ಷ ಹಲವಾರು ಮಂದಿ ಹೊಸ ವರ್ಷದ ಸಂದರ್ಭದಲ್ಲಿ ಯಾವುದೇ ಮದ್ಯ ಕೊರತೆ ಉಂಟಾಗಬಾರದು ಎಂದು ಹೆಚ್ಚಿಗೆ ಮದ್ಯವನ್ನು ಖರೀದಿ ಮಾಡಿದ್ದರು ಎಂಬ ಮಾಹಿತಿ ತಿಳಿದು ಬಂದಿದೆ.
