ಕರಾಚಿ: ಪಾಕಿಸ್ತಾನ ಕ್ರಿಕೆಟ್ ತಂಡದ ಆರಂಭಿಕ ಬ್ಯಾಟ್ಸ್ ಮನ್ ಬಾಬರ್ ಅಜಮ್ ರನ್ನು ಕೆಲವರು ಪಾಕಿಸ್ತಾನದ ವಿರಾಟ್ ಕೊಹ್ಲಿ ಎಂದೇ ಕರೆಯುತ್ತಾರೆ. ಆದರೆ ನನ್ನನ್ನು ಭಾರತೀಯ ದಿಗ್ಗಜನ ಜತೆ ಹೋಲಿಸಬೇಡಿ ಎಂದು ಸ್ವತಃ ಬಾಬರ್ ಅಜಮ್ ಮನವಿ ಮಾಡಿದ್ದಾರೆ.
‘ನಾನು ಕೊಹ್ಲಿಯಂತೆ ಆಡಲು ಮತ್ತು ಅವರಿಗೆ ಪೈಪೋಟಿ ನೀಡಲು ಬಯಸುವೆ. ಆದರೆ ಭಾರತದ ದಿಗ್ಗಜ ಕೊಹ್ಲಿಗೆ ನಾನು ಸಮ ಅಲ್ಲ’ ಎಂದು ಅಜಮ್ ಅಭಿಪ್ರಾಯಪಟ್ಟಿದ್ದಾರೆ.
ಹಿಂದೆಯೂ ಒಮ್ಮೆ ಅಜಮ್ ಇದೇ ಕಾರಣಕ್ಕೆ ಟ್ವಿಟರ್ ನಲ್ಲಿ ಸ್ಪಷ್ಟನೆ ಕೊಟ್ಟಿದ್ದರು. ಇದೀಗ ಮತ್ತೆ ಅದೇ ಮಾತನ್ನು ಪುನರುಚ್ಚರಿಸಿದ್ದಾರೆ. ಕೊಹ್ಲಿಯ ಸಮೀಪಕ್ಕೂ ನಾನು ಸುಳಿಯಲಾರೆ ಎಂದು ಅವರು ಹೇಳಿದ್ದಾರೆ. ಕೊಹ್ಲಿಯಂತೆ ಪಾಕ್ ಕ್ರಿಕೆಟ್ ತಂಡದ ಗೆಲುವಿನಲ್ಲಿ ಹೆಚ್ಚಿನ ಬಾರಿ ಅಜಮ್ ಕೊಡುಗೆ ದೊಡ್ಡದಾಗಿರುತ್ತದೆ. ಅದೇ ಕಾರಣಕ್ಕೆ ಕೆಲವು ಸ್ಥಳೀಯ ಮಾಧ್ಯಮಗಳು ಅವರನ್ನು ಕೊಹ್ಲಿಗೆ ಹೋಲಿಸಿದ್ದವು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
