ಮುಂಬೈ: ಮೊನ್ನೆಯಷ್ಟೇ ಟೀಂ ಇಂಡಿಯಾ ಮಾಜಿ ನಾಯಕ, ವಾಲ್ ರಾಹುಲ್ ದ್ರಾವಿಡ್ ಐಸಿಸಿ ಹಾಲ್ ಆಫ್ ಫೇಮ್ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದರು. ಆದರೆ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡುಲ್ಕರ್ ಇನ್ನೂ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ ಯಾಕೆ ಗೊತ್ತಾ?
ಬಿಶನ್ ಸಿಂಗ್ ಬೇಡಿ, ಕಪಿಲ್ ದೇವ್, ಅನಿಲ್ ಕುಂಬ್ಳೆ ಸುನಿಲ್ ಗವಾಸ್ಕರ್ ನಂತರ ಐಸಿಸಿಯ ಈ ಪ್ರತಿಷ್ಠಿತ ಪಟ್ಟಿಯಲ್ಲಿ ಸ್ಥಾನ ಪಡೆದ ಐದನೇ ಭಾರತೀಯ ದ್ರಾವಿಡ್. ಆದರೆ ಕ್ರಿಕೆಟ್ ನ ಹಲವಾರು ದಾಖಲೆಗೆ ಒಡೆಯನಾಗಿರುವ ಸಚಿನ್ ಗೆ ಯಾಕೆ ಗೌರವ ಸಿಕ್ಕಿಲ್ಲ?
ನಿಯಮಗಳ ಪ್ರಕಾರ ಐಸಿಸಿ ಹಾಲ್ ಆಫ್ ಫೇಮ್ ಪಟ್ಟಿಯಲ್ಲಿ ಸೇರ್ಪಡೆಗೊಳ್ಳಲು ಒಬ್ಬ ಕ್ರಿಕೆಟಿಗ ಯಾವುದೇ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ ನಿಂದ ನಿವೃತ್ತಿಯಾಗಿ ಐದು ವರ್ಷ ಪೂರ್ಣವಾಗಬೇಕು. ಆದರೆ ಸಚಿನ್ ತೆಂಡುಲ್ಕರ್ 2013 ರ ನವಂಬರ್ ನಲ್ಲಿ ನಿವೃತ್ತಿಯಾದವರು. ಹೀಗಾಗಿ ಐದು ವರ್ಷದ ಅವಧಿ ಪೂರ್ಣಗೊಳ್ಳಲು ಇನ್ನೂ ನಾಲ್ಕು ತಿಂಗಳು ಕಳೆಯಬೇಕು.
ಇದೇ ಕಾರಣಕ್ಕೆ ಸಚಿನ್ ಗೆ ಇನ್ನೂ ಆ ಗೌರವ ಸಿಕ್ಕಿಲ್ಲ. ಆದರೆ ತಮ್ಮ ಸಹ ಕ್ರಿಕೆಟಿಗನಾಗಿದ್ದ ದ್ರಾವಿಡ್ ಈ ಸಾಲಿಗೆ ಸೇರಿದ್ದಕ್ಕೆ ಸಂತಸದಿಂದಲೇ ಸಚಿನ್ ಟ್ವೀಟ್ ಮಾಡಿದ್ದಾರೆ. ‘ಫೇಮ್ ಹಾಲ್ ನಲ್ಲಿ ವಾಲ್. ನಿನಗೆ ಅರ್ಹವಾದ ಗೌರವವಿದು’ ಎಂದು ಸಚಿನ್ ದ್ರಾವಿಡ್ ಗೆ ಅಭಿನಂದಿಸಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
