ಮುಂಬೈ: ರಣಬೀರ್ ಕಪೂರ್-ರಶ್ಮಿಕಾ ಮಂದಣ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಅನಿಮಲ್ ಸಿನಿಮಾ ಡಿಸೆಂಬರ್ 1 ರಂದು ತೆರೆಗೆ ಬರಲಿದೆ.
ಆದರೆ ಈ ಸಿನಿಮಾ ಅವಧಿ ನೋಡಿದ ಪ್ರೇಕ್ಷಕರಿಗೆ ಶಾಕ್ ಕಾದಿದೆ. ಸಿನಿಮಾ ಒಟ್ಟಾರೆ 3 ಗಂಟೆ 18 ನಿಮಿಷ ಅವಧಿ ಇರಲಿದೆ. ಇತ್ತೀಚೆಗಿನ ವರ್ಷಗಳಲ್ಲಿ ಇಷ್ಟು ಸುದೀರ್ಘ ಸಮಯದ ಸಿನಿಮಾ ಬಂದ ಉದಾಹರಣೆಯೇ ಇಲ್ಲ. ಒಂದು ಕತೆ ವಿಸ್ತೃತವಾಗಿದ್ದರೆ ಎರಡು ಭಾಗಗಳಲ್ಲಿ ರಿಲೀಸ್ ಮಾಡಲಾಗುತ್ತದೆ.
ಆದರೆ ಅನಿಮಲ್ ಸಿನಿಮಾ ತಂಡ ಒಂದೇ ಭಾಗದಲ್ಲಿ ಆದರೆ ಎರಡು ಇಂಟರ್ ವೆಲ್ ನೀಡಿ ಸಿನಿಮಾ ರಿಲೀಸ್ ಮಾಡಲು ಯೋಜನೆ ಹಾಕಿಕೊಂಡಿದೆ. ಹೀಗಾಗಿ ಅನಿಮಲ್ ಸಿನಿಮಾದಲ್ಲಿ ಎರಡು ಇಂಟರ್ ವೆಲ್ ಇರಲಿದೆ. ಇದು ಇತ್ತೀಚೆಗಿನ ವರ್ಷಗಳಲ್ಲಿ ವಿಶಿಷ್ಟ ಪ್ರಯೋಗವೆನ್ನಬಹುದು.
