ಕರೀನಾ ಕಪೂರ್ ಹಾಗೂ ಸೈಫ್ ಆಲಿಖಾನ್ ದಾಂಪತ್ಯ ಈಗಾಗಲೇ ಮೂರು ವರ್ಷಗಳ ಸಂಭ್ರಮದಲ್ಲಿದೆ. ಕರೀನಾ ಕಪೂರ್ ಕೂಡ ಒಬ್ಬ ಸೊಸೆಯಾಗಿ ಹಾಗೇ ಪತ್ನಿಯಾಗಿ ಕುಟುಂಬವನ್ನು ಯಶಸ್ವಿಯಾಗಿ ಮುಂದುವರಿಸಿಕೊಂಡು ಹೋಗುತ್ತಿದ್ದಾರೆ. ಸೈಫ್ ಹಾಗೂ ಕರೀನಾ ನಡುವಿನ ಕೆಮಿಸ್ಟ್ರಿ ಕೂಡ ಚೆನ್ನಾಗಿದೆ. ವಿವಾಹವಾಗಿ ಒಂದು ವರ್ಷವಾಗುತ್ತಿದ್ದಂತೆ ಕರೀನಾ ಯಾವಾಗ ತಾಯಿಯಾಗ್ತಾರೆ ಅನ್ನೋ ಪ್ರಶ್ನೆಗಳು ಅವರನ್ನು ಅನೇಕರು ಕೇಳುತ್ತಲೇ ಬಂದಿದ್ದಾರೆ.ಆದ್ರೆ ಕರೀನಾ ಮಾತ್ರ ಸದ್ಯಕ್ಕಿಲ್ಲ ಅಂತಾ ಹೇಳುತ್ತಿದ್ದರು.ಆದ್ರೀದ ಕರೀನಾ ಕಪೂರ್ ಸಹೋದರಿ ಕರಿಷ್ಮಾ ಬೆಬೋ ಹಾಗೂ ಸೈಫ್ ಆಲಿಖಾನ್ ಷೋಷಕರಾಗುವ ಬಗ್ಗೆ ಬಾಯ್ಬಿಟ್ಟಿದ್ದಾರೆ.
ಕರೀನಾ ಕಪೂರ್ ತಾಯಿಯಾಗುವ ಕುರಿತು ಯೋಚಿಸುತ್ತಿದ್ದಾಳೆ. ಆದರೆ ಈಗ ಆಕೆಯ ಕೈಯಲ್ಲಿ ಕೆಲ ಪ್ರಾಜೆಕ್ಟ್ ಗಳಿವೆ. ಹಾಗಾಗಿ ಈಗ ಆಕೆ ತಾಯಿಯಾಗೋದು ಸಾಧ್ಯವಿಲ್ಲ.ಆದ್ರೆ ಕೆಲಸದಿಂದ ಬಿಡುವಾಗುತ್ತಿದ್ದಂತೆ ಬೆಬೋ ಎಲ್ಲರಿಗೂ ಸಿಹಿ ಸುದ್ದಿಯನ್ನು ನೀಡುತ್ತಾರೆ ಅಂತಾ ಅವರು ಹೇಳಿದ್ದಾರೆ.ಆ ಮೂಲಕ ಬಹು ದಿನಗಳಿಂದ ಅಭಿಮಾನಿಗಳಲ್ಲಿದ್ದ ಕುತೂಹಲಕ್ಕೆ ಕರೀಷ್ಮಾ ತೆರೆ ಎಳೆದಿದ್ದಾರೆ.
ಮೊನ್ನೆಯಷ್ಟೇ ರಾಣಿ ಮುಖರ್ಜಿಅವರು ಮುದ್ದಾದ ಹೆಣ್ಣು ಮಗುವಿನ ತಾಯಿಯಾಗಿದ್ದಾರೆ. ಇನ್ನು ಕರೀನಾ ಜೊತೆ ಅಭಿನಯಿಸಿದ್ದ ಹೆಚ್ಚಿನ ಸಹನಟಿಯರು ಐಶ್ವರ್ಯಾ ರೈ, ಶಿಲ್ಪಾ ಶೆಟ್ಟಿ, ಕಾಜೋಲ್ ಮುಂತಾದವರು ಈಗಾಗಲೇ ತಾಯ್ತನದ ಖುಷಿ ಅನುಭವಿಸುತ್ತಿದ್ದಾರೆ.
