ಮುಂಬೈ: ರಣಬೀರ್ ಕಪೂರ್ ನಾಯಕರಾಗಿರುವ ಸಂದೀಪ್ ರೆಡ್ಡಿ ವಂಗ ನಿರ್ದೇಶನದ ಅನಿಮಲ್ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಧೂಳೆಬ್ಬಿಸುತ್ತಿದೆ.
ಆಕ್ಷನ್ ಥ್ರಿಲ್ಲರ್ ಸಿನಿಮಾ ಈಗಾಗಲೇ ಗಲ್ಲಾಪೆಟ್ಟಿಗೆಯಲ್ಲಿ 200 ಕೋಟಿ ಕಲೆಕ್ಷನ್ ದಾಟಿದೆ. ಈ ಸಿನಿಮಾದ ಎರಡನೇ ಭಾಗವೂ ಬರಲಿದೆ ಎನ್ನುವುದು ಈಗ ಪಕ್ಕಾ ಆಗಿದೆ.
ಅನಿಮಲ್ ಸಿನಿಮಾ 3 ಗಂಟೆ 21 ನಿಮಿಷದ ಸುದೀರ್ಘಾವಧಿ ಹೊಂದಿದೆ. ಅನಿಮಲ್ ಕ್ಲೈಮ್ಯಾಕ್ಸ್ ನಲ್ಲಿ ಪಾರ್ಟ್ 2 ಬಗ್ಗೆ ಸುಳಿವೂ ನೀಡಲಾಗಿದೆ. ಹೀಗಾಗಿ ಪಾರ್ಟ್ 2 ಬರುವುದು ಪಕ್ಕಾ ಎನ್ನಲಾಗುತ್ತಿದೆ.
ಆದರೆ ಅನಿಮಲ್ ಪಾರ್ಟ್ 2 ಯಾವಾಗ ಸೆಟ್ಟೇರುತ್ತದೆ ಎನ್ನುವುದು ಇನ್ನೂ ಪಕ್ಕಾ ಆಗಿಲ್ಲ. ಇದಕ್ಕಿಂತ ಮೊದಲು ನಿರ್ದೇಶಕ ಸಂದೀಪ್, ಪ್ರಭಾಸ್ ಗಾಗಿ ಸ್ಪಿರಿಟ್ ಎನ್ನುವ ಸಿನಿಮಾ ಮಾಡುತ್ತಿದ್ದಾರೆ. ಹೀಗಾಗಿ ಅದರ ಬಳಿಕ ಅನಿಮಲ್ 2 ಸೆಟ್ಟೇರಬಹುದು ಎಂದು ನಿರೀಕ್ಷಿಸಲಾಗಿದೆ.
