ಹೈದರಾಬಾದ್: ದೇಶದ ನಂ.1 ಬ್ಯಾಡ್ಮಿಂಟನ್ ತಾರೆಗಳಾದ ಪಿ ಕಶ್ಯಪ್ ಮತ್ತು ಸೈನಾ ನೆಹ್ವಾಲ್ ಮದುವೆಯಾಗುತ್ತಿದ್ದಾರೆ ಎಂಬ ಸುದ್ದಿಯನ್ನು ಆಂಗ್ಲ ಮಾಧ್ಯಮವೊಂದು ಬಹಿರಂಗಪಡಿಸಿದೆ.
ಆದರೆ ಇವರಿಬ್ಬರ ಲವ್ ಸ್ಟೋರಿ ಬಗ್ಗೆ ಸೈನಾ ಕೆಲವು ದಿನಗಳ ಹಿಂದೆಯೇ ಸುಳಿವು ಕೊಟ್ಟಿದ್ದರು. ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ಸೈನಾ ಪದಕ ಗೆದ್ದಾಗ ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಹಾಕಿದ್ದ ಕ್ಲೋಸ್ ಫೋಟೋ ಅದರ ಜತೆಗೆ ಸೈನಾ ಬರೆದುಕೊಂಡಿದ್ದ ಪದಗಳು ಅವರಿಬ್ಬರ ನಡುವಿನ ಪ್ರೀತಿ ಬಹಿರಂಗಪಡಿಸಿತ್ತು.
ಕಶ್ಯಪ್ ಜತೆಗಿದ್ದ ಫೋಟೋ ಹಾಕಿದ್ದ ಸೈನಾ ‘ಇವನು ಯಾವತ್ತೂ ನನಗೆ ಸ್ಪೂರ್ತಿ ಮತ್ತು ಬೆಂಬಲವಾಗಿರುತ್ತಾನೆ. ಈ ಬಾರಿ ಕಾಮನ್ ವೆಲ್ತ್ ನಲ್ಲಿ ನಿನ್ನನ್ನು ಮಿಸ್ ಮಾಡಿಕೊಂಡೆ ಕಶ್ಯಪ್’ ಎಂದು ಬರೆದುಕೊಂಡಿದ್ದರು. ಅವರಿಬ್ಬರು ನೀಡಿದ ಪೋಸ್ ಮತ್ತು ಸೈನಾ ಬರೆದುಕೊಂಡ ರೀತಿ ನೋಡಿ ಅಭಿಮಾನಿಗಳು ಇವರಿಬ್ಬರೂ ಲವ್ ಮಾಡುತ್ತಿದ್ದಾರೆಂದು ಗೆಸ್ ಮಾಡಿದ್ದರು. ಅಷ್ಟೇ ಅಲ್ಲದೆ, ಇಬ್ಬರೂ ಹೇಳಿ ಮಾಡಿಸಿದ ಜೋಡಿ ಹಾಗಿದ್ದೀರಿ. ಮದುವೆಯಾಗಿ ಎಂದು ಸಲಹೆ ಕೊಟ್ಟಿದ್ದರು. ಅದೀಗ ನಿಜವಾಗುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
