ಮುಂಬೈ: ಆಸ್ಟ್ರೇಲಿಯಾ ಓಪನ್ ಟೆನಿಸ್ ಕೂಟದ ವೇಳೆ ಗುರುತಿನ ಚೀಟಿ ಇಲ್ಲದೇ ಲಾಕರ್ ರೂಂಗೆ ಬಂದಿದ್ದ ಖ್ಯಾತ ಟೆನಿಸಿಗ ರೋಜರ್ ಫೆಡರರ್ ರನ್ನು ಭದ್ರತಾ ಸಿಬ್ಬಂದಿಗಳು ತಡೆದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.
ಭದ್ರತೆ ಬಗ್ಗೆ ಸಿಬ್ಬಂದಿಗಳು ತೋರಿದ ಈ ಪರಿಯ ಕಟ್ಟು ನಿಟ್ಟು ನೋಡಿ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು. ಯಾವುದೇ ವ್ಯಕ್ತಿಯ ಪ್ರಭಾವಕ್ಕೊಳಗಾಗದೇ ತಮ್ಮ ಕರ್ತವ್ಯ ಮೆರೆದಿದ್ದಕ್ಕೆ ಸಿಬ್ಬಂದಿಗಳನ್ನು ಎಲ್ಲರೂ ಹಾಡಿಹೊಗಳಿದ್ದರು.
ಇದೀಗ ಕ್ರಿಕೆಟ್ ದಿಗ್ಗಜ ಹಾಗೂ ಫೆಡರರ್ ಅವರ ಸ್ನೇಹಿತರೂ ಆಗಿರುವ ಸಚಿನ್ ತೆಂಡುಲ್ಕರ್ ಕೂಡಾ ಭದ್ರತಾ ಸಿಬ್ಬಂದಿ ವರ್ತನೆಯನ್ನು ಅಭಿನಂದಿಸಿದ್ದಾರೆ. ವಿಡಿಯೋ ಶೇರ್ ಮಾಡಿರುವ ತೆಂಡುಲ್ಕರ್ ಕರ್ತವ್ಯ ನಿಷ್ಠೆ ಮೆರೆದ ಸಿಬ್ಬಂದಿಗಳನ್ನು ಕೊಂಡಾಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
