ಉದ್ಯಮಿ ಮುಖೇಶ್ ಅಂಬಾನಿ ನಿರ್ಮಿಸಿರುವ ಮುಂಬೈನ ಬಿಲಿಯನ್ ಡಾಲರ್ ನಿವಾರ್ ಆಂಟಿಲಿಯಾದಲ್ಲಿ ಕಳೆದ ರಾತ್ರಿ ಅಗ್ನಿ ಅವಘಡ ಸಂಭವಿಸಿದೆ.
ರಾತ್ರಿ 9 ಗಂಟೆ ಸುಮಾರಿಗೆ 9ನೇ ಮಹಡಿಯಲ್ಲಿ ಅಗ್ನಿ ಜ್ಬಾಲೆ ಹಬ್ಬಿದ್ದು, ಮುಂಬೈ ಪಾಲಿಕೆಯ 6 ಅಗ್ನಿಶಾಮಕ ವಾಹನಗಳು, ವಾಟರ್ ಜೆಟ್ ಸಿಬ್ಬಂದಿ ಹರಸಾಹಸ ಪಟ್ಟು ಬೆಂಕಿ ನಂದಿಸಿದೆ. 9ನೇ ಮಹಡಿಯ 4ಜಿ ಟವರ್`ನಲ್ಲಿ ಅಗ್ನಿ ಬೆಂಕಿ ಹೊತ್ತುಕೊಂಡು ಈ ಅವಘಡ ಸಂಭವಿಸಿದೆ. ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಅಧಿಕ ನಷ್ಟವೂ ಸಂಭವಿಸಿಲ್ಲ ಎನ್ನಲಾಗಿದೆ.
27 ಮಹಡಿಯ 4 ಲಕ್ಷ ಚದರಡಿಯ ಈ ನಿವಾಸ ವಿಶ್ವದಲ್ಲೇ ಅತ್ಯಂತ ದುಬಾರಿ ಕಟ್ಟಡವಾಗಿದೆ. ಲಂಡನ್ನಿನಲ್ಲಿರುವ ಲಕ್ಷ್ಮೀ ಮಿತ್ತಲ್ ನಿವಾಸವನ್ನೂ ಮೀರಿಸಿದ ಕಟ್ಟಡವೆಂದು ಫೋರ್ಬ್ಸ್ ವರದಿ ಮಾಡಿತ್ತು. ಈ ಕಟ್ದಟದ ನಿರ್ಮಾಣ ವೆಚ್ಚ 1 ರಿಂದ 2 ಬಿಲಿಯನ್ ಡಾಲರ್ ಎಂದು ಅಂದಾಜಿಸಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
