ಕೆಂಟಕಿ ಪ್ರಾಂತ್ಯದ ಲೂಯಿಸ್‍ ವಿಲ್ಲೆ ನಗರದಲ್ಲಿರುವ ಸ್ವಾಮಿ ನಾರಾಯಣ ದೇವಾಲಯದಲ್ಲಿ ದೇವರಿಗೆ ಕಪ್ಪು ಬಣ್ಣ ಬಳಿದು ಭಗ್ನಗೊಳಿಸಿ, ಹಾಲ್ ನಲ್ಲಿರುವ ಕುರ್ಚಿಗೆ ಚಾಕುವನ್ನು ಚುಚ್ಚಿದ್ದಾರೆ. ಅಲ್ಲದೇ ದೇವಾಲಯದ ಕಿಟಕಿಗಳನ್ನು ಒಡೆದು ಗೋಡೆಗಳ ಮೇಲೆ ಅವಹೇಳನಕಾರಿ ಸಂದೇಶ ಮತ್ತು ಗೀಚುಬರಹಗಳನ್ನು ಬರೆಯಲಾಗಿದೆ. ಮಂದಿರದ ಕಪಾಟಿನಲ್ಲಿದ್ದ ವಸ್ತುಗಳನ್ನು ಕೂಡ ದೋಚಲಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳಲ್ಲಿ ವರದಿಯಾಗಿದೆ.
ಈ ಘಟನೆಯಿಂದ ಭಾರತೀಯ ಮೂಲದ ಅಮೆರಿಕನ್ ಸಮುದಾಯದಲ್ಲಿ ಆತಂಕ ಉಂಟಾಗಿದ್ದು, ಪ್ರಕರಣದ ಬಗ್ಗೆ ಅಮೆರಿಕದ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.
