Select Your Language

Notifications

webdunia
webdunia
webdunia
webdunia

ಮಗು ಅಳುವುದನ್ನು ಸಹಿಸಲಾಗದೆ ಈ ಮಹಾತಾಯಿ ಮಾಡಿದ್ದೇನು ಗೊತ್ತಾ?

ಮಗು ಅಳುವುದನ್ನು ಸಹಿಸಲಾಗದೆ ಈ ಮಹಾತಾಯಿ ಮಾಡಿದ್ದೇನು ಗೊತ್ತಾ?
ವಾಷಿಂಗ್ಟನ್ , ಭಾನುವಾರ, 28 ಅಕ್ಟೋಬರ್ 2018 (07:18 IST)
ವಾಷಿಂಗ್ ಟನ್ : ಮಗು ಜೋರಾಗಿ ಅತ್ತಾಗ ಓಡಿ ಬಂದು ಮಗುವನ್ನು ಎತ್ತಿಕೊಂಡು ಮಡಿಲಲ್ಲಿ ಮಲಗಿಸಿಕೊಂಡು ಅದನ್ನು ಸಂತೈಸುವ ತಾಯಂದಿರನ್ನು ನಾವು ಯಾವಾಗಲೂ ನೋಡುತ್ತಿರುತ್ತೇವೆ. ಆದರೆ ಅರಿಝೋನಾದಲ್ಲಿ  ತಾಯಿಯೊಬ್ಬಳು ತಾನು ಹೆತ್ತ ಮಗು ಅಳೋದನ್ನ ಕೇಳಲಾಗದೆ ಮಾಡಿದ ನೀಚಕೃತ್ಯವನ್ನು ಕೇಳಿದ್ರೆ ನೀವೇ ಶಾಕ್ ಆಗ್ತೀರಾ.


ಹೌದು. 19 ವರ್ಷದ ಜೆನ್ನಾ ಫೊಲ್‍ವೆಲ್ ಎಂಬಾಕೆ ತನ್ನ ಮಗು ಅಳುವುದನ್ನು ಸಹಿಸಲಾಗದೆ ಆ ಒಂದು ತಿಂಗಳ ಹಸುಗೂಸನ್ನು ಬಾತ್ ಟಬ್ ನಲ್ಲಿ ಮುಳುಗಿಸಿ ಕೊಲೆ ಮಾಡಿದ್ದಾಳೆ. ನಂತರ ಪೊಲೀಸರಿಗೆ ಕರೆ ಮಾಡಿ ತನ್ನ ಮಗುವನ್ನ ಅಪಹರಿಸಿದ್ದಾರೆ ಎಂದು ದೂರು ನೀಡಿ, ಮಗುವಿನ ಮೃತದೇಹವನ್ನ ಬ್ಯಾಗಿನಲ್ಲಿ ಇರಿಸಿ, ಪಾರ್ಕ್ ನಲ್ಲಿ ಎಸೆಯೋದಕ್ಕೆ ಮುಂದಾಗಿದ್ದಳಂತೆ.


ತನಿಖೆಯ ವೇಳೆ ಈ ವಿಚಾರ ತಿಳಿದ ಪೊಲೀಸರು ಕೊಲೆ ಆರೋಪದ ಅಡಿಯಲ್ಲಿ ಆಕೆಯನ್ನು ಬಂಧಿಸಿದ್ದಾರೆ. ಅಲ್ಲದೇ ಆಕೆ ಮಗುವನ್ನು ಕೊಲೆ ಮಾಡುವುದಕ್ಕೂ ಮುನ್ನ ಮಗುವನ್ನು ಹೇಗೆ ಕೊಲೆ ಮಾಡಬೇಕು. ಮಗುವನ್ನು ನೀರಿನಲ್ಲಿ ಮುಳುಗಿಸಿ ಸಾಯಿಸುವುದಕ್ಕೆ ಎಷ್ಟು ಸಮಯ ಬೇಕು, ಪಾಲಕರು ಮಗುವನ್ನು ಕೊಲ್ಲುವುದಕ್ಕೆ ಕಾರಣವೇನು ಎಂಬೆಲ್ಲಾ ವಿಷಯಗಳ ಬಗ್ಗೆ ಗೂಗಲ್‍ನಲ್ಲಿ ಹುಡುಕಾಟ ನಡೆಸಿದ್ದಾಳೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.


ಈ ಕೃತ್ಯದ ಬಗ್ಗೆ ತಿಳಿದ ಆಕೆಯ ಪತಿ  ಎರಿಕ್ ತೀವ್ರ ಆಘಾತಕ್ಕೆ ಒಳಗಾಗಿದ್ದು, ಆಕೆಗೇ ಕಠಿಣ ಶಿಕ್ಷೆ ನೀಡುವಂತೆ ನ್ಯಾಯಾಲಯದಲ್ಲಿ ಮನವಿ ಮಾಡಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.


ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.

 

Share this Story:

Follow Webdunia kannada

ಮುಂದಿನ ಸುದ್ದಿ

ಗಂಡು ಶಿಶು ಖರೀದಿಸಿ ಪೊಲೀಸ ಅತಿಥಿಯಾದ ಮಹಿಳೆ!