ಹೈದರಾಬಾದ್: ಏಷ್ಯನ್ ಗೇಮ್ಸ್ ಕ್ರೀಡಾ ಕೂಟದಲ್ಲಿ ಭಾರತದ ಬ್ಯಾಡ್ಮಿಂಟನ್ ತಾರೆಯರಾದ ಸೈನಾ ನೆಹ್ವಾಲ್ ಮತ್ತು ಪಿವಿ ಸಿಂಧು ಸಾಧನೆಗೆ ಇಲ್ಲಿಯದೇ ಇನ್ನೊಬ್ಬ ಖ್ಯಾತ ಕ್ರೀಡಾ ಪಟು ಸಾನಿಯಾ ಮಿರ್ಜಾಗೆ ಹೊಸದೊಂದು ಕನಸು ಹುಟ್ಟಿಕೊಂಡಿದೆಯಂತೆ.
ಪಿವಿ ಸಿಂಧು ಫೈನಲ್ ನಲ್ಲಿ ಸೋತರೂ ಬೆಳ್ಳಿ ಪದಕ ಗೆದ್ದಿದ್ದು ನೋಡಿ ಟ್ವೀಟ್ ಮಾಡಿರುವ ಸಾನಿಯಾ ಮುಂದಿನ ಏಷ್ಯನ್ ಗೇಮ್ಸ್ ವೇಳೆಗೆ ನಾನು, ಸಿಂಧು, ಜೋಶ್ನಾ ಚಿನ್ನಪ್ಪ (ಸ್ಕ್ವಾಶ್ ತಾರೆ) ಮತ್ತೆ ಗೇಮ್ಸ್ ವಿಲೇಜ್ ನಲ್ಲಿ ಇರ್ತೀವಿ ಎಂದು ಸಾನಿಯಾ ವಿಶ್ವಾಸದಿಂದಲೇ ಹೇಳಿಕೊಂಡಿದ್ದಾರೆ.
ಇನ್ನು ಈ ಏಷ್ಯನ್ ಗೇಮ್ಸ್ ನಲ್ಲಿ ಬ್ಯಾಡ್ಮಿಂಟನ್ ವಿಭಾಗದಲ್ಲಿ ಕಂಚು ಮತ್ತು ಬೆಳ್ಳಿ ಗೆದ್ದಿರುವ ಸೈನಾ ನೆಹ್ವಾಲ್ ಮತ್ತು ಸಿಂಧುಗೆ ಸಾನಿಯಾ ವಿಶೇಷವಾಗಿ ಅಭಿನಂದನೆ ಸಲ್ಲಿಸಿದ್ದಾರೆ. ನಿಮ್ಮ ಯಶಸ್ವಿ ವೃತ್ತಿ ಜೀವನಕ್ಕೆ ಮತ್ತೊಂದು ಗರಿ ಮೂಡಿಸಿದಿರಿ. ನಿಮ್ಮಿಂದ ಇಂತಹ ಸಾಧನೆ ಮತ್ತಷ್ಟು ಬರಲಿ ಎಂದು ಸಾನಿಯಾ ಮನದುಂಬಿ ಹಾರೈಸಿದ್ದಾರೆ. ನಿಮಗೆಲ್ಲಾ ಗೊತ್ತೇ ಇರುವಂತೆ ತುಂಬು ಗರ್ಭಿಣಿಯಾಗಿರುವ ಸಾನಿಯಾ ಸದ್ಯಕ್ಕೆ ಟೆನಿಸ್ ನಿಂದ ದೂರವಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
