ವೆಲ್ಲಿಂಗ್ಟನ್: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮೊದಲ ಟಿ20 ಪಂದ್ಯದಲ್ಲಿ ಬೌಲಿಂಗ್ ಮಾಡುವ ಮೊದಲು ಫೀಲ್ಡಿಂಗ್ ಸೆಟ್ ಮಾಡಲು ಹೊರಟ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ರನ್ನು ಧೋನಿ ಟ್ರೋಲ್ ಮಾಡಿದ್ದು ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿತು.
ಸ್ಟಂಪ್ ಹಿಂದೆ ಧೋನಿಯ ಕೆಲವು ಸಂಭಾಷಣೆಗಳು ಆಗಾಗ ವೈರಲ್ ಆಗುತ್ತವೆ. ಇದೀಗ ಅದಕ್ಕೆ ಮತ್ತೊಂದು ಸೇರ್ಪಡೆಯಾಗಿದೆ. ಬೌಲಿಂಗ್ ಮಾಡುವ ಮೊದಲು ಫೀಲ್ಡಿಂಗ್ ಸೆಟ್ ಮಾಡಲು ಹೊರಟ ಚಾಹಲ್ ರನ್ನು ಧೋನಿ ತಮಾಷೆ ಮಾಡಿದ್ದಾರೆ.
ಬ್ಯಾಟ್ಸ್ ಮನ್ ನೀಶಾಮ್ ಬ್ಯಾಟಿಂಗ್ ಗೆ ರೆಡಿಯಾಗಿದ್ದರೂ ಚಾಹಲ್ ಫೀಲ್ಡಿಂಗ್ ಸೆಟ್ಟಿಂಗ್ ಮುಗಿಸಿರಲಿಲ್ಲ. ಹೀಗಾಗಿ ಪಕ್ಕದಲ್ಲೇ ನಿಂತಿದ್ದ ಬದಲಿ ಕ್ಷೇತ್ರರಕ್ಷಕ ಕುಲದೀಪ್ ಯಾದವ್ ಬಳಿ ಧೋನಿ ಹಿಂದಿಯಲ್ಲಿ ‘ಅವನಿಗೆ ಬೌಲ್ ಮಾಡಲು ಬಿಡಿ. ಫೀಲ್ಡಿಂಗ್ ಮಾಡುವ ವಿಚಾರದಲ್ಲಿ ಮುತ್ತಯ್ಯ ಮುರಳೀಧರನ್ ಗಿಂತಲೂ ಹೆಚ್ಚು ಕಾಳಜಿ ವಹಿಸುತ್ತಾನೆ ಇವ’ ಎಂದು ನಗುತ್ತಾ ಕಾಲೆಳೆದಿದ್ದು ನೋಡಿ ಅಲ್ಲಿದ್ದವರ ಮೊಗದಲ್ಲೂ ನಗು ಮೂಡಿತ್ತು. ಈ ಸಂಭಾಷಣೆಯ ವಿಡಿಯೋ ಈಗ ಟ್ವಿಟರ್ ನಲ್ಲಿ ವೈರಲ್ ಆಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
