ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಅವರಿಗೆ ಸುಪ್ರೀಂಕೋರ್ಟ್ ಜಾಮೀನು ನೀಡಿದ ಬಳಿಕ ತಮಿಳುನಾಡಿನ ಸೂಪರ್‌ಸ್ಟಾರ್ ರಜನೀಕಾಂತ್ ಜಯಲಲಿತಾ ಅವರನ್ನು ಆಹ್ವಾನಿಸಿ ಪತ್ರಬರೆದಿರುವುದು ತಮಿಳುನಾಡಿದ ಬಿಜೆಪಿ ಘಟಕಕ್ಕೆ ಆಘಾತಕಾರಿಯಾಗಿ ಪರಿಣಮಿಸಿದೆ. ಎಐಎಡಿಎಂಕೆ ಮುಖ್ಯಸ್ಥೆ ಜಯಾ ಬೆಂಗಳೂರಿನ ಪರಪ್ಪನ ಅಗ್ರಹಾರ ಜೈಲಿನಿಂದ ಚೆನ್ನೈವಿಮಾನನಿಲ್ದಾಣಕ್ಕೆ ನಿನ್ನೆ ಸಂಜೆ ಆಗಮಿಸಿದರು.
ಜಯಾಗೆ ಬರೆದ ಪತ್ರದಲ್ಲಿ ರಜನೀಕಾಂತ್ ಜಯಾಗೆ ಉತ್ತಮ ಆರೋಗ್ಯ ಮತ್ತು ಶಾಂತಿಗಾಗಿ ಹಾರೈಸಿದರು. ದೀಪಾವಳಿ ಶುಭಾಶಯಗಳು, ನಿಮ್ಮ ಒಳ್ಳೆಯ ದಿನಕ್ಕಾಗಿ ಪ್ರಾರ್ಥಿಸುತ್ತಿದ್ದೇನೆ ಎಂದು ಪತ್ರದಲ್ಲಿ ತಿಳಿಸಿದ್ದಾರೆ.
ಆದರೆ ಬಿಜೆಪಿ ಪಕ್ಷದ ರಾಜ್ಯ ಘಟಕ ತಮಗೆ ಈ ಘಟನೆಯಿಂದ ಆಘಾತವಾಗಿರುವುದಾಗಿ ತಿಳಿಸಿದೆ. ರಜನಿಕಾಂತ್ ಅವರ ವಿಪುಲ ಜನಪ್ರಿಯತೆಯ ಹಿನ್ನೆಲೆಯಲ್ಲಿ ಅವರನ್ನು ಅನೇಕ ಸಂದರ್ಭಗಳಲ್ಲಿ ಬಿಜೆಪಿ ಮಡಿಲಿಗೆ ತರುವುದಕ್ಕೆ ಅದು ಯತ್ನಿಸಿತ್ತು. ಆದರೆ ತಮಗೆ ಯಾವುದೂ ರಾಜಕೀಯ ಆಕಾಂಕ್ಷೆ ಇಲ್ಲ ಎಂದು ರಜನೀಕಾಂತ್ ಹೇಳಿದ್ದರು.
