ಮಲೆಯಾಳಂ ಯುವ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ ಇಷ್ಟು ದಿನ ಯಾರಿಗೂ ಗೊತ್ತಿರಲಿಲ್ಲ. ಆದರೆ ಈ ಚಂದದ ಹುಡುಗಿ ‘ಒರು ಅದರ್ ಲವ್‘ ಎಂಬ ಮಲೆಯಾಳಂ ಸಿನಿಮಾದ ‘ಮಾಣಿಕ್ಯ ಮಲಾರಾಯ ಪೂವಿ‘ ಎಂಬ ಹಾಡಿನ ಸಣ್ಣ ತುಣುಕಿನ ಮೂಲಕ ಇಂದು ದೇಶಾದ್ಯಂತ ಫೇಮಸ್ ಆಗಿದ್ದಾಳೆ.
ಎಲ್ಲೆಡೆ ಈ ಹಾಡಿ‌ನಲ್ಲಿರುವ ನಟಿ ಪ್ರಿಯಾ ಪ್ರಕಾಶ್ ಎಕ್ಸ್‌ಪ್ರೆಶನ್ ಹುಡುಗರ ಹೃದಯವನ್ನೇ ಕಲಕುತ್ತಿದೆ. ಈ ಹಾಡಿ‌ನಲ್ಲಿಯೇ ಬೇರೆ ಬೇರೆ ಭಾಷೆಯ ವರ್ಷನ್‌ಗಳೂ ಕೂಡ ಆರಂಭವಾಗಿವೆ. ಈ ಮಟ್ಟದ ಜನಪ್ರಿಯತೆ ಗಳಿಸಿದ ನಂತರ ನಟಿ ಪ್ರಿಯಾ ತಮ್ಮ ಬಗ್ಗೆ ನೇರವಾಗಿ ಫ್ಯಾನ್ಸ್ ಜೊತೆಗೆ ಮಾತನಾಡಿದ್ದಾರೆ.
ಯೂಟ್ಯೂಬ್‌ನಲ್ಲಿ ಪ್ರಿಯಾ ಮೊದಲ ಸಿನಿಮಾದ ಮೊದಲ ಹಾಡು ನಿನ್ನೆಯಿಂದ ಟ್ರೆಂಡಿಂಗ್ ನಂ 1 ನಲ್ಲಿ ಇದೆ. 4 ಮಿಲಿಯನ್ ಜನರು ಈ ಹಾಡನ್ನು ವೀಕ್ಷಿಸಿದ್ದು ಈಗಾಗಲೇ 45 ಲಕ್ಷಕ್ಕೂ ಹೆಚ್ಚು ಹಿಟ್ಸ್ ಬಂದಿವೆ.
ಸೋಶಿಯಲ್ ಮೀಡಿಯಾದ ಹೊಸ ಸೆನ್ಸೇಷನ್ ಆಗಿ ರೂಪುಗೊಂಡಿರುವ 18 ವರ್ಷದ ಪ್ರಿಯಾ ಪ್ರಕಾಶ್ ವಾರಿಯರ್ ಜನಿಸಿದ್ದು ಕೇರಳದ ತ್ರಿಶೂರಿನಲ್ಲಿ. ಪ್ರಿಯಾ ತ್ರಿಶೂರಿನ ವಿಮಲಾ ಕಾಲೇಜಿನಲ್ಲಿ ಬಿ. ಕಾಂ ಮೊದಲ ವರ್ಷದಲ್ಲಿ ಓದುತ್ತಿದ್ದಾರೆ. ಒರು ಆದಾರ್ ಚಿತ್ರದಲ್ಲಿಯೂ ಸಹ ಪ್ರಿಯಾ ವಿದ್ಯಾರ್ಥಿನಿಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಚಿತ್ರ ಏಪ್ರಿಲ್ 5 ರಂದು ಬಿಡುಗಡೆಯಾಗಲಿದೆ.
